१७ असाेज, २०८१

अछाम । अछाममा एक सुत्केरी महिलाको मृत्यु भएको छ । जिल्लाको ढकारी गाउँपालिका वडा न-६ ढुंगाचाल्लाकि २९ वर्षीय सरिता देवी जैसीको आज मृत्यु भएको हो । उनलाई सुत्केरी ब्यथा लागी स्वास्थ्य चौकी ढुङ्गाचाल्नामा लग्ने क्रममा गएराती ३ बजेको समयमा बाटोमै सुत्केरी भएकी उनका श्रीमान् टंक प्रसाद जैशीले बताउनु भयो ।

उपचारको लागि ढुङ्गाचाल्ना स्वास्थ्य चौकीमा लगिएको  भएता पनि स्वास्थ्यमा समस्या आएका कारण थप उपचारको लागी जिल्ला अस्पताल मङ्गलसेन अछाममा रिफर गरेकोले उपचारको लागि जिल्ला अस्पताल मङ्गलसेन ल्याइएको थियो ।  आज बिहान १० बजेको समयमा जिल्ला अस्पताल कार्यालय मङ्गलसेनमा उनको निधन भएको  जिल्ला प्रहरी कार्यालय अछामका प्रमुख प्रहरी नायव उपरीक्षक ईश्वरी प्रसाद भण्डारीले जानकारी दिनु भयो ।