बैजनाथमा ६८औं राष्ट्रिय सहकारी दिवसको अवसरमा रक्तदान कार्यक्रम:१८१ पिन्ट रगत संकलन

२०८१ चैत्र ११, सोमबार १९:०५

११, चैत्र २०८१
बाँके ।बाँके जिल्लाको बैजनाथ गाउँपालिका वडा नं. २ डिगियामा ६८औं राष्ट्रिय सहकारी दिवसको अवसरमा रक्तदान कार्यक्रम सम्पन्न भएको छ। प्रादेशिक रक्त सञ्चार केन्द्र नेपालगञ्जको घुम्ती टोलीको नेतृत्वमा नेपाल रेडक्रस सोसाइटी कोहलपुरका प्रमुख राजेन्द्र महतरासहितको प्राविधिक टोलीले रक्तदान कार्यक्रमको सहजीकरण गरेको हो।

बिज्ञापन

बैजनाथमा रहेका करिब ३२ सहकारीका सदस्यहरू सहभागी रहेको उक्त कार्यक्रममा १८१ पिन्ट रगत संकलन गरिएको नेपाल रेडक्रस सोसाइटी कोहलपुरका प्रमुख महतराले जानकारी दिनुभयो। उहाँले रगत अभावका कारण विरामीहरूले भोग्नुपर्ने समस्यालाई कम गर्न स्वस्फूर्त रूपमा परोपकारी मनका व्यक्तिहरूले उत्साहपूर्वक रक्तदान गरेको बताउनुभयो। कार्यक्रममा दुर्लभ रक्त समूहका नागरिकहरूले समेत रक्तदान गरेका थिए। साथै, कार्यक्रमकै बीचमा शिक्षण अस्पतालमा उपचाररत एक बिरामीलाई ओ नेगेटिभ रगत प्रदान गरिएको जानकारी गराइयो।

बिज्ञापन

रक्तदान कार्यक्रम जिल्ला सहकारी संघ, जिल्ला ऋण तथा बचत सहकारी संघ, बहुउद्देश्यीय जिल्ला सहकारी संघ, जिल्ला कृषि सहकारी संघ, जिल्ला सामाजिक उद्यमी महिला सहकारी संघ, राष्ट्रिय सहकारी बैंक लिमिटेड, नेफ्स्कुन सदस्य सेवा केन्द्र बाँके र जिल्लाका सम्पूर्ण प्रारम्भिक सहकारीहरूको आयोजनामा सम्पन्न भएको हो। कार्यक्रमको आर्थिक व्यवस्थापन बैजनाथ गाउँपालिकाले ५० हजार रुपैयाँ र विभिन्न सहकारी संस्थाहरूको सामाजिक उत्तरदायित्वको बजेटबाट गरिएको थियो।
संयोजक सुवेदीका अनुसार सहकारी दिवसको अवसरमा बाँके जिल्लाका विभिन्न स्थानमा विविध कार्यक्रम आयोजना गरिनेछ। आगामी चैत १२ गते कोहलपुरमा अर्को रक्तदान कार्यक्रम हुने जानकारी सुवेदीले गराउनुभएको छ।

 

बिज्ञापन
२०८१ चैत्र ११, सोमबार १९:०५ मा प्रकाशित

यो खबर पढेर तपाईलाई कस्तो महसुस भयो ?

सम्बन्धित खवर