८, असोज २०८१

बाँके।बाँके जिल्लाको नेपालगंज उपमहानगरपालिका वडा नं. ४ गणेशपुरमा प्रहरीले हुण्डी कारोबारमा संलग्न दुई व्यक्तिलाई पक्राउ गरेको छ। प्रहरीले दिएको जानकारी अनुसार पक्राउ परेका व्यक्तिहरूमा मोहम्मद कादिर सिद्दिकी र मोहम्मद हबिब सिद्दिकी रहेका छन्।

प्रहरी टोलीले मोहम्मद कादिर सिद्दिकीलाई शंका लागि तलासी गर्दा उनको साथमा रहेको कालो झोलाबाट ९ लाख नेपाली रुपैयाँ बरामद गरेको थियो। त्यसपछि प्रहरी टोलीले मोहम्मद हबिब सिद्दिकीको घरमा छापा मार्दा ७ लाख १० हजार २ सय ५५ नेपाली रुपैयाँ र ५९ हजार ५ सय भारतीय रुपैयाँ समेत बरामद गरेको छ।

 

साथै, प्रहरीले विभिन्न बैंकमा विभिन्न व्यक्तिका नाममा जम्मा गरिएका बैंक भौचरहरू, टोकनहरू लगायतका कागजातहरू पनि बरामद गरेको जनाएको छ। योसँगै प्रहरीले कुल १६ लाख १० हजार २ सय ५५ नेपाली रुपैयाँ र ५९ हजार ५ सय भारतीय रुपैयाँसहित पक्राउ परेका व्यक्तिहरूमाथि अनुसन्धान अघि बढाएको छ।

प्रहरीले हुण्डी कारोबारमा संलग्नताको आशंकामा दुवैलाई हिरासतमा लिई आवश्यक कानुनी प्रक्रिया अगाडि बढाएको जानकारी दिएको छ।